قسوه الجرح

موضوع: قسوه الجرح الأحد يونيو 06, 2010 6:09 am

بقا كل الجرح ده علشان أنا حبيت
حبيت ومن قلبى حبيبى ليا اتمنيت
وقلت الدنيا دحكت بعد سنين حزن قضيت
وقلت ياناس أنا حبيت وحبى ليك لحظه ماخبيت
كنت اغلى عندى من نفسى وأنت بايع وياريتنى ما أشتريت
كتبت قلبى بسمك وقلت معدش قلبى وبقا ملكك وسبتنى بكيت
ياريتنى لا سمعتك ولا شفتك ولاعمرى بأسمك حتى ناديت
من الدنيا دى خفت عليك وفى حجتى ليك عنى أتخليت
أتاريك ممثل عظيم ودور المخادع والخاين باتقان أديت
وكنت معاك الضحية وارضيت بحاجات كتير وعلشانك ضحيت
ياما حلمت بيك ورسمت ليك دنيا جميله وأنت بيا ولا لحظه حسيت
ياما استحملت من الناس علشانك وأبيع الدنيا لو يرضيك استعديت
كان همى أرضيك وأدفع عمرين على عمرى لو بشر أتمسيت
أتارينى عيشت نفسى وهم كبير كا اسمو حبيب وعلى كابوس صحيت
دنا ياما شفت منك وأقول لنفسى أهى حاجه وبتعدى ولحدودك معايا اتعديت
وبعد كل ده تفتكر أعيش باحساس ظلمك ليا وغدرك بيا دنا ابقا اتجنيت
تفتكر حعيش جرحك أشكى أو حتى لحظه عليك أبكى وأقول أنا اتهديت
حنساك ولازم أنساك حمحيك منى ومن قلبى وأنا ياما على نفسى جنيت
حلملم نفسى وأمشى الطريق من تانى وأنا ياما فى الدنيا دى ماشيت
مش حقف والعن الدنيا والظروف وأقول ياريتك ترجع ياريت
بعدك حتولد من جديد وحقوى على الدنيا وكأنى عمرى ما اقسيت
وعمر الدنيا ما حتقف لحظه لو أنا بيأسى وخوفى استمريت
حرجع وأعيش وأقول لدنيا والناس أنا من تانى اهو أبتديت
وكل لحظة حزن كل لحظة ألم أدينى قدرت وعديت
ويارب لجئت ليك ووكلت أمرى عليك وفى حضن رحمتك اترميت
يارب سامحنى لو يوم يوم ظلمت نفسى وعليها اتعليت
(يارب سامحنى )

» الجرح الصامت