انا والزمان

موضوع: انا والزمان الإثنين يونيو 07, 2010 12:22 pm

جتلك يا زمان وشكتلك عاللى فيا.
جتلك يا زمان من غدر الناس ليا.
ليه يا زمان معشتش يوم سعيد.
ليه يا زمان محسـش مرة بعيد.
ليه كل لما أحب حد ...يطلع حد بيحبه.
ليه اللي أتمنيت أكون جمبة ... عمر ما أديه لمست أديا.
ليه يا زمان اللي أتمنيت أكون ليه ... عمرة فيوم هيكون ليا.
ليه يا زمان اللي كان نفسي أحميه ... يحرم عليا الأيام اللي جايا.
ليه اللي كان نفسي أكون ليه ... كان لغيري ومفكرش ولو يوم فيا.

ليه يا زمان اللي حبيته عمري كله ... وكان هو حلمي كله ...ينساني يا زمان ولا يسأل مرة عليا.
ليه الصاحب اللي قدامى ملاك يا زمان يكون من ورايا بيقطع فيا.
ليه القريب اللي قدامى حبيب يا زمان يتمنى يوم يفرح فيه فيا.
ليه يا زمان الحبيب اللي قدامى بيبكى عليا يتمنى يضحك مرة عليا.
فين يا زمان أيام زمان ... كانت أيام ولا في الأحلام
راحت ومش راجعه كمان.
كان الصاحب صاحب ... كان الحبيب حبيب... وكان القريب قريب يا زمان.
أفديك يا زمان عمري ومالي وحياتي.
وتعيشني يا زمان سعيد اللي باقي من حياتي.-
جيتك يا زمان يمكن ؟ .. تنسيني همي وتخفف شويه عنى.
لكن يا زمان واضح أنك شايل كمان أكتر منى.!!!!
قلت يا زمان مفيش صاحب ..مفيش حبيب .. مفيش قريب.. يمكن!
لكن يا زمان في اللي عمرة ما فيوم عننا يغيب.
في يا زمان اللي خلقني وخالقك...في يا زمان اللي شايفنى وشايفك .
في يا زمان اللي عمرة ما يغفل ولا ينام ... في يا زمان اللي عارف حتى اللي في الأحلام...في يا زمان ربى وربك...
أِشكيلو همك وإحكيلو اللي تاعبك..وأكيد ..أكيد يا زمان هيخفف شوية عنك...
سـلام يا زمـان ~ ~ ~ ~ ســلام يا زمـان