مظلوم ياقلبى

موضوع: مظلوم ياقلبى السبت يونيو 26, 2010 1:34 pm

ابكى يا قلبى

ابكى يا قلبى وطلع آهـــــــــــة ..
آهـــــة مخنوقة فى دنيا عذاب ..

ابكى يا قلبى يمكن دمعك ..
يخفف عنك هموم خنقاك ..

وانتى يا عينى كفاية عليكى ..
ياما بكيتى وياما آسيتى ..

كفاية عليكى ارتاحى شوية ..
قلبى صاحى مكانك يبكى ..

مظلوم يا قلبى ..
لا عدت عارف على ايه ولا ايه تبكى ..

على جرح معلم ولا هموم وجعاك ..
على قسوة غيرك ولا على ناس نسياك ..

على دنيا حلوة عدت وماتت ..
ولا قلوب حنينة راحت ومبقوش وياك ..

مظلوم يا قلبى ..
عمال تبكى وحالك هو اللى يبَكى ..

قولى يا قلبى ..
ازاى أرجع ضحكة ليك ..
ضحكة تايهة فى دنيا خلاص مبقتش ليك ..

ازاى ألملم جروح بقت مدفونة فيك ..
ودواها حاجات مستحيل ترجع تانى ليك ..

قولى يا قلبى ..
لحد امتى الاشتياق ..
لحد امتى تستنى ماضى عدى وفات ..

لحد امتى هتفضل معذبنى معاك ..
نفسى مرة تسيبنى أنسى وتخلص فى يوم حكايتى معاك ..

» مت ياقلبى