قلبى يامولودحزين

قلبى يا مولود حزين ... تشتكى الأحزان لمين

ياللى خلك بيعاديك ... يللى خصمك بيواسيك

واللى بايعك مش شاريك ... لسه بتسميه شريك

قلبى ليه تحيرنى فيك ... دانت قلبى ومش لاقيك

فى الشمال أو فى اليمين

قلبى يا مولود حزين ...

ياللى عمرك كان وخيرك لأجل غيرك

ضحى وأفدى ... ادى واهدى اهدى ودى

لو يا قلبى الود ودى ... كنا نحلم حلم وردى بس ميت سجان عليك

منوا بالأحلام عنيك

حنوا بالأوهام اديك

يوعدك وبيخلو بيك ... ما أنت مش من الموعودين

قلبى يا مولود سجين

قلبى يا مولود حزين

قلبى يا ساير فى دربك ... تشكى للزمن واللى داربك

تبكى من غربة حبايبك

ولاسهم الغدر صايبك

قلبى يا أيوب قرايبك

قولى مين يدفع ضرايبك

لما قطر العمر هدى ... كان زمن الحب عدى

والصبر لما جاب وودى

الدرب كان طارح آنين

رغم ان الابتسام يطرح حنين

رغم الحب رسمال السنين

الظلم عادوا بيزرعوه فى قلب الجنين

قلبى يا مولود حزين

قلبى يا فنان يا شاعر

مش جدورك فى الزمن دا

ما تخلقتش للمناهدة

اتخلقت تفيض مشاعر

تتحكى بحبر الوريد

يخدعوك تنزف مآسى ... يهجروك ... الهجر آشى

يغتالوك هتموت شهيد ... والعزاء فيك الوحيد

اتولدت بقلب شاعر ... عاش زمن الكذابين

قلبى يا مولود حزين

» مات قلبى
» هوده حالى قلبى حزين